Welkom by die webblad van Kempies:

Hierdie elektroniese nuusblad behoort heelwat interessante feite en leesstof op te lewer. Neem kennis van die vele aktiwiteite van die skool en sy leerlinge. Lees weekliks van die mooi prestasies in die akadmie, sport en kultuur, maar sien ook die spangees en geestelike beleggings in die lewe van ons kinders raak.

Ruimte is ook gemaak vir die Ondersteunersklub met hul aktiwiteite en die name van die bestuur word gegee. Die name, portefeulje's en kontakbesonderhede van die Beheerliggaam se ouer en administratiewe lede is ook beskikbaar gemaak.

Wat is uniek by die Kempies?

  • Die eerste is die hoë verwagtinge wat leerlinge en personeel aan hulself stel. Alleen deur hierdie ideale na te streef, kan uitmuntende prestasies gelewer word. Alles word met geesdrif en passie aangepak. As iets die moeite werd is om gedoen te word, is dit die moeite werd om dit goed te doen.
  • Een van die kosbare eienskappe wat ons by die skool koester, is die besondere band wat daar tussen die leerders en die personeel, en die personeel onderling bestaan.
  • Ten slotte werk almal daartoe mee om 'n gedissiplineerde en geordende skoolomgewing daar te stel waarbinne ons kan funksioneer.
  • Met ingang van 2012 wil die Kempies graag bekend staan as 'n waardegedrewe skool. Die ses waardes sal orals in die berriggewing duidelik raak.

"Kempie-wees is 'n Menswees-fees."

Roelof Burger
Skoolhoof