Welkom by die webblad van Hoërskool Kempton Park.

Hierdie elektroniese nuusblad behoort heelwat interessante feite en leesstof op te lewer. Neem kennis van die vele aktiwiteite van die skool en sy leerlinge, lees weekliks van die mooi prestasies in die sport en kultuur, maar sien ook die spangees en geestelike beleggings in die lewe van ons kinders raak. Ruimte is ook gemaak vir die Ondersteunersklub met hul aktiwiteite en die name van die bestuur word gegee. So is die name en kontakbesonderhede van die Beheerliggaam se ouerlede ook gegee. 50 Jaar het gekom en gegaan. Die feesvieringe in 2006 het ons bepaald besig gehou. In die Gedenkalbum waar die geskiedenis van 1956 tot 2006 aangeteken is, is daar pragtige momente van die gebeure vasgevang. Die navorsing wat gedoen is om die boek die lig te laat sien is prysenswaardig. Hierdie is beslis een van die mees omvattende werke wat oor die Kempies se geskiedenis gedoen is.