| Lus vir "vakansie" in
skooltyd? Dan is die Shonghololo Avontuur- en Stapklub net die plek
vir jou!
Ons kuier oral in die mooi natuur, loer by grotte in, swem in
al wat 'n waterval en swemgat is, loop terug op die spore van ou
dwelwers en Voortrekkers in ons geskiedenis en maak Suid-Afrika
se natuurerfenisse 'n belewenis.
 |
Daar is vir almal iets - buiten staptogte bied
ons ook die ervaring om opleiding in abseiling en rotsklim,
kanovaart, seiljagvaart, seilplank, skubaduik en vele meer,
te ontvang.
Ons groot ideaal is om al ons wêrelderfnisgebiede
te besoek. Jaarliks pak ons iets nuuts aan en vorm selfs
deel van padwedlope vir medaljes. Ons lei stapleiers op,
gee prestasietoekennings - soms nooi ons vir Ma en Pa ook
saam!
Kom maak 'n draai by ons - daar's 'n "gaatjie" net
vir jou! |
|
